Hâi lơ 4/8, tung tơdroăng po Hneăng hôp ôh tá tiah hmâ rôh má Môi, Kuô̆k hô̆i hneăng má XVI, drêng tơpui tơno a tôh ‘na tơdroăng tơkêa bro Luât tơbleăng mơhno, hnê hriâm luât (‘mâi rơnêu), pôa Trần Thanh Mẫn, Kăn xiâm hnê ngăn Kuô̆k hô̆i tối rơdêi, tơdroăng ‘mâi rơnêu ôh tá xê to pơtê a tơdroăng pơhlêh pơkâ lơ tơ’nôm hnoăng ăm mâu kơ koan, mê thế pro pơhlêh păng ‘nâng, mơjiâng khôi túa lĕm nhuô̆m luât tung lâp pơlê pơla. Pôa tối tơdroăng tơbleăng mơhno, hnê hriâm luât tung pơla kố nah ối mơhno a ngâ, tá hâi tơxâng pơkâ nôkố.

Kăn xiâm hnê ngăn Kuô̆k hô̆i pơkâ kal pơhlêh ing troăng tơmiât “tơbleăng mơ’no” tơdroăng nếo ai chiâng tơmiât gum cheăng, tŏng gum kuăn pơlê mơdêk ivá gâk kring hnoăng pôu râng, pơxúa luât dêi tơná ƀă luât. Kăn xiâm hnê ngăn Kuô̆k hô̆i pơkâ thế pơkâ inhên pơkâ nôkố cho hnoăng tŏng gum luât ƀă tơbleăng mơhno, hnê hriâm luât pơklât rêm hơnăm ƀă khu luât sư, luât hngêi.

Tơdrêng amê, hriăn plĕng mơjiâng hê̆ sinh thái xúa kŏng ngê̆ măng internet tơnêi têa ‘na tơbleăng mơhno, hnê hriâm luât, vê kơlo ki châ achê, hlê plĕng ƀă pêi pro luât dêi kuăn pơlê tung măng internet, gum djâ luât păng ‘nâng mot tung tơdroăng rêh ối.