Pơtối hneăng hôp má 10, hâi lơ 22/10, Kuô̆k hô̆i tơpui tơno a tôh ‘na kơxop mơ-éa Luât ‘mâi pơhlêh, ‘mot tơ’nôm mâu tơdroăng dêi Luât Hnê hriâm, Luât Hnê hriâm đăi hok ƀă Luât Hnê cheăng pêi. Hên khu kăn Kuô̆k hô̆i kal vâ ‘nâi tơdroăng ki chêh pro kơxop hlá mơ-éa hriâm môi tuăn xúa tơdjuôm tung lâp tơnêi têa, rak tơniăn ki rơkê ƀă ki tơtro tung tơdroăng ki ai khât.

Kơxop mơéa Luât Hnê hriâm (‘mâi pơhlêh) tối nhên tơdroăng ki mơjiâng troăng hnê hriâm kuăn pơlê, tơdjêp ing râ pá kơdâm troh râ a ‘ngêi tâ, ‘mot tơ’nôm, túa hriâm trung hok cheăng, pro tơ’lêi hlâu vâ hok tro nếo hriâm klêi lâm 12 rế châ hnê túa cheăng pêi. Kơxop mơ-éa kố xuân pơkâ mơ’no tơ’lêi hlâu pro pợhlêh mâu mơ-éa ki chêh pro, tah lôi tơdroăng ki hbru ăm ƀâng plah tơ’noăng râ má pái ƀă pơhlêh hnoăng hbru ƀâng trung hok phôh thong sap ing Kăn pơkuâ Khu ngăn hnê hriâm ƀă Hnê mơjiâng tuăn ngoâ rơkê chiâng Ngế ki pơkuâ Hngêi trung hriâm.

Mâu rơkong tơpui tối tơkŭm pêi pro klêi pơkâ vâ mơdêk ki rơkê tung mâu ngế pêi cheăng, pêi châ tơdroăng pơkâ thế mơnhông tơnêi têa tung hneăng ki nếo.