Tung 2 hâi tơdế pêi cheăng dêi mơ’nui roh hôp, Kuô̆k hô̆i kô tơbleăng hên luât, pơkâ ki kal ăm tơdroăng xing xiăng, pro rế lĕm mơngế pêi cheăng ăm tơnêi têa ƀă mơnhông cheăng kâ rêh ối pơlê pơla. Rôh hôp mơgêi po a kơxo hâi pái, hâi lơ 19/2. Tơbleăng a tôh kơxo hâi lơ 15/2, pôa Tô Lâm, Kăn xiâm pơkuâ hnê ngăn Đảng tối: tơdroăng pơkâ mơnúa mâu luât tah xơpá tơvâ tơvân tung tơdroăng cheăng khoa hok, kŏng ngê̆ ƀă hơ’lêh nếo cho tơdroăng ki kal, pêi tơdrêng, tơniăn teăm tah mâu tơdroăng tơvâ tơvân ƀă mơhnhôk pêi cheăng khoa hok, kơmăi kơmok ƀă  hơ’lêh nếo, hriĕn plĕng ki nếo.  

Pôa Phạm Minh Chính, Ngế pro xiâm hnê ngăn tơnêi têa tối nhên, vâ mơnhông cheăng kâ rĕng, krá ngăn tiô kơ khoa hok kơmăi kơmok, hơ’lêh nếo, hriăn plĕng ki nếo, pơ’lêh kơxô̆ cho tơdroăng kal vâ. Xua mê, thế tah ‘na luât pơkâ, tơleăng mơnhên angiâ mâu tơdroăng ki pá, tơvâ tơvân, vâ pơkâ 57 xuá pêi pro tung rêh ối.