Pôa Trần Thanh Mẫn - Kăn xiâm hnê ngăn Kuô̆k hô̆i tối, Việt Nam đi đo nhoăm ƀă púi vâ tơrŭm krá khât, tơrŭm tŭm tơdroăng  cheăng ƀă Cuba; hlối khĕn kơdeăn mâu hnoăng ki Đảng, Tơnêi têa ƀă Kuăn pơlê Cuba hiăng châ pêi tơbrê klêi kơ’nâi hneăng hôp má 8. Peăng tơná, Kăn xiâm hnê ngăn Kuô̆k hô̆i Cuba nhoăm mơnê  tơdroăng hơpui pâ, veăng kơjo kum dêi kuăn pơlê Việt Nam, malối  hiăng veăng tơno liăn tơmeăm khoăng, xua Măt trâ̆n tơnêi têa ƀă Khu lo tŏng veăng Việt Nam mơhnhôk veăng tơlo.

Pôa tối nhên kố cho ki mơhno ăm hlo nhên tơdroăng tơrŭm krá pơla péa tơnêi têa, hlối tối xiâm tơmeăm kơjo kum kô châ kum ăm kuăn pơlê ki pá puât kal vâ tơdrêng, veăng kum rêh ối dêi kuăn pơlê. Péa pâ vâ môi tuăn mơdêk tơrŭm cheăng péa Kuô̆k hô̆i, pơtối mơnhông tơrŭm krá pơla Việt Nam - Cuba, ngăn mê cho “ xiâm ki djâ troăng ahdrối’’ tung tơrŭm cheăng ƀă mâu kong têa lâp plâi tơnêi.