‘Na tơdroăng ki tơnêi tơhnah tơhnâp ó a mâu văng Dran ƀă Gia Bắc, Vi ƀan hnê ngăn kong pơlê Lâm Đồng hiăng pơkâ tơbleăng tơdroăng ki rĕng pêi pro tơdrêng ‘na kong mê khía mơhot têa lân lu a troăng kân 20 ƀă 28. Kăn pơkuâ kong pơlê rĕng tơbleăng tơdâng hên troăng hơlâ hbrâ ví, môi tiah tâp tơneăn tơbleăng ‘na ki rơ-iêo, mơdât kuăn pơlê mot lo tung kơpong ki ai tơnêi tơhnah tơhnâp, tơkŭm ‘mâi xĕn kuăn pơlê troh tíu tơniăn.

Khu ki ai tơdjâk troh châ pơtroh gâk plâ hâi plâ măng vâ séa ngăn, mơnhên tối xiâm kối ƀă pơkâ mơ’no troăng hơlâ tŏng gum ton xŏn. Mâu rôh kong mê kân pơla hdrối kố nah pro taluy âm, taluy yương a péa troăng văng Dran ƀă Gia Bắv tro tơhnâp, pro hâ ho a troăng prôk. Vi ƀan hnê ngăn kong pơlê pơkâ thế mâu tíu pêi cheăng ki ai tơdjâk rĕng ‘mâi rơnêu, rak vế tơniăn ăm kuăn pơlê ƀă mâu rơxế, ví ăm tơnêi tơhnah tơhnâp, pơtối ai tung la ngiâ.

*Hdrối tơdroăng ôh tá tơniăn dêi kong mêi khía mơhot Kalmaegi, tiô tối hdrối plong mot a têa kơxĭ Biển Đông hâi lơ 5/11, Vi ƀan kong pơlê Gia Lai hiăng tơbleăng mơ-éa kal thâ, pơkâ pêi pro tơdrêng mâu troăng hbrâ ví a kơlo ki hên tâ môi râ. Mâu khu, kơvâ cheăng, kơvâ cheăng, kong pơlê châ hnê mơhno pêi pro tơdroăng cheăng hbrâ, ví, kong mêi kân, têa rơlêa, tơnêi tơhnah tơhnâp ing rĕng; khŏm pêi kơtăng xĕn kuăn pơlê a kơpong tung thông, kĭng têa kroăng, têa krông, ngo ngối rơ-iô, pêi kêi đeăng hdrối hâi lơ 4/11.

Vi ƀan hnê ngăn kong pơlê pơkâ pêi pro kơtăng troăng pêi ‘’pŭn tơdrêng’’, ôh tá ăm ai tơdroăng ki tro lŭp ‘na mơngế. Khu xiâm pơkuâ mô đô̆i kong pơlê hbrâ rơnáu kế kâ, rơxế, kơmăi kơmok, ki rơhêng vâ tối cho plong tuk ƀă tơƀai ôh tá ai mơngế vê vâ kum tung séa ngăn, tŏng xo mơngế trâm xía vâ. Khu pơkuâ ‘na pêi chiâk deăng ƀă Kong prâi, Khu pơkuâ ‘na pêi chiâk deăng ƀă Kong prâi, Khu pơkuâ Kơmăi kơmok Tê mơdró tơrŭm mơ’no têa plế a long rơchôa hno têa tơtro, mơ’no têa plế a long têa pro on tơhrik tơtro, tơniăn ăm kơpong pá xôp.