Vâ kum Hneăng hôp, 4 tôh kum cheăng dêi Tiêuh ƀan Tơkŭm po mê cho: Tơdroăng kal – pơtâng tối; Tŏng gum parŏng; Gâk kring – gâk tơniăn ƀă Rak ngăn ivá kăn teăng mâ dế thâ pêi pro hnoăng cheăng tiô pơkâ, ki rơhêng vâ tối a mâu tơdroăng ‘na kế tơmeăm khoăng, mơngế ki hnê tối tung hngêi ối pơtê, pơtâng tối, khăm pơlât ƀă rak tơniăn gâk kring.

Tơdroăng gâk kring tơniăn hiăng châ khu kŏng an, khu mô đô̆i mơjiâng troăng pêi ki nhên, tơdâng tơ’mô, hbrâ tơtrâ rêm tơdroăng  trâm hdrối, tung ƀă kơ’nâi hneăng hôp. Ƀă tơdroăng ki veăng hbrâ, pôu râng hnoăng cheăng dêi mâu khu cheăng, kong pơlê Lâm Đồng dế kêi đeăng tâi tâng tơdroăng hbrâ rơnáu ăm tơdroăng kal kí ki kân.

Tiô pơkâ pêi, Hneăng hôp kô tơkŭm po sap ing hâi lơ 9 troh lơ 11/10/2025 ƀă 498 ngế kăn teăng mâ veăng, ai 92 ngế kăn teăng mâ dế pôu râng hnoăng ƀă 406 kăn teăng mâ châ pơkâ rah.