Kăn pơkuâ mâu cheăm rơtế ƀă khu ki ai tơdjâk dêi kong pơlê Lâm Đồng nôkố dế mơ-eăm ‘mâi rơnêu mâu tơmeăm rế pơtối hbrâ ví ƀă kong mê têa lân. Rơtế ƀă tơdroăng ki têa lân a mâu cheăm, bêng kơpong peăng mâ hâi Lo, têa mơhiu, tơnêi tơhnah xuân ai a kơpong peăng mâ hâi Lâ kong pơlê Lâm Đồng pro môi ngế hlâ ƀă hâ ho a troăng prôk.

Pơtối hbrâ ví ƀă kong mê têa lân kơdroh iâ má môi ki tro lŭp ‘na tơmeăm xua kong mê têa lân, tơnêi tơhnah pro, Khu pơkuâ hbrâ ví kong pơlê Lâm Đồng pơkâ thế 124 to cheăm, bêng, kơpong tíu kuăn pơlê ối rơtế ƀă khu ki ai tơdjâk tơkŭm gâk plâ hâi plâ măng; séa ngăn mâu kơpong kuăn pơlê ối a kĭng têa kroăng, têa plông, kơpong thông ki mơni tro têa lân.

Ƀă mâu kơpong hmâ tro tơnêi tơhnah, têa lân môi tiah văng Đại Ninh – Troăng kân 28B, văng Kroăng Pa – Troăng kân 27, văng Gia Bắc – Troăng kân 28 ƀă hên mâu tíu ki ê hía ƀă mâu cheăm peăng mâ hâi Lo kơpong thông athế đi đo hbrâ rơnáu pơtroh khu lêng, rơxế vâ tŏng gum drêng ai tơdroăng pơkâ.