Troh tâi hâi lơ 31/8, lâp kong pơlê nếo mơ’no châ lối 4.400 rơtal liăn, châ lối 23% pơkâ pêi; tâng riân tá kơxô̆ pêi kêi đeăng tá hâi ăm liăn mê xuân châ dâng 27%. Tơtrŏng má môi, mâu tơdroăng tơkêa bro, tơmeăm ki xiâm ƀă tâi tâng kơxô̆ liăn vâ chê 8.000 rơtal liăn nếo mơ’no liăn cheăng tơnêi châ 430 rơtal liăn, ƀă 5% pơkâ pêi cheăng.

Vi ƀan kong pơlê mâu khu cheăng, kơvâ cheăng, pơlê tơkŭm tah lôi pá puât, mơdêk tơdroăng mơjiâng pro ƀă mơ’no liăn ngân tơnêi têa, mơ-eăm pêi kêi đeăng 100% pơkâ pêi kơxô̆ liăn châ pơcháu. Vâ châ pơkâ kố, sap ing kố troh mơ’nui hơnăm, rêm khế kong pơlê kal mơ’no liăn cheăng tơdâng 2.600 rơtal liăn. Pôa Hồ Văn Mười, Kăn hnê ngăn Vi ƀan kong pơlê Lâm Đồng tối rơdêi, tơdroăng mơdêk mơ’no liăn cheăng tơnêi têa ôh tá xê to kum kêi đeăng tơmeăm khoăng, mê ối mơjiâng ivá mơdêk tơtêk cheăng kâ pơlê, xua mê kal mơjiâng pơkâ pêi inhên rêm hâi vâ mơdêk tơdroăng mơjiâng pro.