Ki nhên, mơjiâng Khu ngăn kong pơlê, tơring cheăm ƀă hnoăng cheăng dêi mâu kăn ƀô̆ kong pơlê Lâm Đồng tung tơdroăng ki tơkŭm Khu ngăn pêi cheăng - mố đô̆i tro rong ƀă rêh ối pơlê pơla ƀă Khu ngăn tơring, cheăm hnoăng cheăng dêi mâu kăn ƀô̆; mơjiâng Khu ngăn Khoa hok ƀă Kong ngê̆ ƀă Khu pơtâng tối tơdroăng kal tiô troăng hyôh um tơvi, rơ’jíu, internet; mơjiâng Khu mơjiâng tơmeăm khoăng kong pơlê Lâm Đồng tung tơdroăng tơkŭm Khu ngăn troăng prôk ƀă rơxế kơtâu ƀă Khu mơjiâng tơmeăm khoăng; mơjiâng khu rak liăn ngân kong pơlê Lâm Đồng tơkŭm ƀă Khu pơkâ ƀă ‘no liăn cheăng ƀă Khu ngăn liăn ngân; mơjiâng Khu ngăn chiâk deăng ƀă Kong prâi tơnêi tơníu kong pơlê Lâm Đồng tung tơdroăng ki tơkŭm Khu ngăn ‘na Chiâk deăng ƀă Mơnhông thôn pơlê ƀă Khu ngăn tơmeăm khoăng tung têa a tơnêi ƀă hyôh kong prâi; mơjiâng Khu ngăn hdroâng kuăn ngo ƀă Tơdroăng loi tĭng, tiô khôp tung tơdroăng ki tơkŭm Khu ngăn hdroâng kuăn ngo tơdah xo tơ’nôm kơvâ cheăng, hnoăng cheăng, kơ koan pơkuâ ngăn tơnêi têa ‘na tơdroăng loi tĭng, tiô khôp sap ing Khu ngăn tơring cheăm ƀă hnoăng cheăng dêi mâu kăn ƀô̆.

Mâu khu pơkuâ cheăng kô păng ‘nâng pêi cheăng sap ing hâi lơ  1/3/2025. Xuân a hneăng hôp, Hô̆i đong hnê ngăn kong pơlê Lâm Đồng hiăng thâ pơtê cheăng ƀă pôa Phạm S, Phŏ kăn hnê ngăn Vi ƀan kong pơlê Lâm Đồng.