Nôkố kong pơlê Lâm Đồng ai lối 33 khu mơdró kâ ƀă tâi tâng kơxô̆ liăn chêh ‘nâi vâ pêi cheăng lối 35 rơpâu rơtal. Mâu khu mơdró kâ, mâu tíu tê mơdró hiăng ƀă dế ai tơdroăng ki veăng gum tơƀrê, kân ăm tơdroăng mơnhông cheăng kâ rêh ối pơlê pơla dêi kong pơlê. A Rôh hôp pơkâ mơdêk ‘no liăn pêi cheăng pơla hdrối kố nah, Vi ƀan hnê ngăn kong pơlê Lâm Đồng hiăng diâp pơkâ troăng hơlâ ‘no liăn pêi cheăng, hlá mơ-éa mơnhên chêh inâi ‘no liăn pêi cheăng ăm mâu khu mơdró kâ ƀă tâi tâng kơxô̆ liăn chêh inâi vâ pêi cheăng cho 9 to tơdroăng tơkêa kố cho lối 35 rơpâu rơtal.

Kong pơlê xuân kĭ tơkêa tơrŭm cheăng ƀă 12 khu ki ‘no liăn cheăng tơkŭm tung mâu kơvâ cheăng ki ai hlâu, ai pơxúa. Tơdroăng ki tơ’mot tơ’nôm châ hên khu ‘no liăn cheăng cho pơxiâm ăm tơdroăng ki kal, gum Lâm Đồng pêi châ hên tơdroăng pơkâ troh hơnăm 2030 chiâng kong pơlê chía mơnhông môi tiah tơdroăng pơkâ pêi hneăng hôp Đảng ƀô̆ kong pơlê mơ’no.