VOV4.Xơ Đăng - Tơdjâk troh tơdroăng ko ‘nhiê kong kân vâ pro troăng Trường Sơn Đông, hâi lơ 14/2, khu xiâm ngăn pêi chiâk deăng ƀă mơnhông mơdêk thôn pơlê kong pơlê Lâm Đồng  hiăng pơtroh hlá mơ-éa tơbleăng tơdrêng ăm Vi ƀan kong pơlê pâ thế Khu xiâm tí tăng ‘nâi plĕng, Khu xiâm pơkuâ ngăn lêng hnê mơhno tối thế pơtê hlối tơdroăng mơjiâng pro. Tiô tối tơbleăng dêi khu xiâm ngăn pêi chiâk deăng ƀă mơnhông mơdêk thôn pơlê kong pơlê Lâm Đồng, khu xiâm kăn loăng kong kong pơlê hiăng pơkuâ, tơrŭm ƀă Khu rak ngăn kong Lạc Dương, Kơdrum kong kân Biduop - Núi Bà séa ngăn a tíu ki mơjiâng pro troăng pơla Troăng Trường Sơn Đông xua Khu ki rak ngăn tơdroăng tơkê bro 46 Khu xiâm tí tăng ‘nâi plĕng mâu tơdroăng, khu xiâm pơkuâ ngăn lêng pro xiâm teăng mâ ‘no liăn mơjiâng pro.

Tíu mơjiâng pro troăng Trường Sơn Đông tơdjâk troh kong kân

Tâi tâng ki xŏn dei troăng hiăng pro mmơjiâng pro lối 3.3km, ki rơdâ dêi troăng kân dâng 4m. Tung mê, tơnêi hiăng pơ’lêh xúa dêi tơnêi kong kân mê chiâng tơnêi troăng prôk ai dâng 2,3km. Ai lối 1km troăng ki khu mê mơjiâng pro  hiăng pro a tơnêi kong kân ki hâi teăm ăm phêp pơ’lêh xúa.

Gương tơplôu ƀă tơbleăng