Ƀă troăng hơlâ “Tơrŭm - Môi tuăn -Tro luât – Rak krá tuăn tơmiât - Pêi tơƀrê - Mơnhông tơƀrê” Hneăng hôp mâu kăn Đảng ƀô̆ kong pơlê Lâm Đồng rôh má 1, hneăng 2025-2030 kô po tung 3 hâi, sap hâi lơ 9 troh hâi lơ 11/10/2025 a Hngêi hôp kân Học viện Lục quân, bêng Lâm Viên - Đà Lạt, kong pơlê Lâm Đồng.

Veăng hôp mê ai 498 ngế kăn khi khât, tung mê ai 92 ngế kăn ki ê, ƀă 406 ngế châ rah xo inâi ing 128 Đảng ƀô̆ râ Tỉnh ủy teăng mâ ăm vâ chê 119.400 ngế đảng viên tung lâp kong pơlê. Pôa Nguyễn Khắc Bình, Kăn Ƀơrô Tỉnh uỷ Lâm Đồng, ăm ‘nâi, tơdroăng chêh Tơbleăng kal kí dêi hneăng hôp pơkâ 3 tơdroăng kal thế pêi châ tơƀrê tung hneăng ki nếo: mê cho Tơkŭm mơnhông pro troăng kân xiâm; mơdêk ‘mâi hơ’lêh tơdroăng pro hlá mơ-éa; tơkŭm pêi ‘na mơdêk tơdroăng kăn ƀô̆, xoăng hnoăng cheăng, xúa kăn ƀô̆ vâ tơniăn tro mơngế, tro tơdroăng.