Lâm Đồng rah xo kăn pơkuâ, phŏ kăn pơkuâ 6 tíu cheăng nếo
Thứ sáu, 14:39, 21/02/2025
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng – Kơxo lơ 20/2, kong pơlê Lâm Đồng hiăng tơkŭm po Hneăng hôp tơbleăng pơkâ dêi Kăn hnê ngăn Vi ƀan kong pơlê ‘na tơdroăng rah xo mâu kăn pơkuâ ki xiâm 6 tíu cheăng nếo dêi kong pơlê.
Vi ƀan kong pơlê Lâm Đồng hiăng tơbleăng ƀă diâp pơkâ rah xo kăn pơkuâ 6 tíu cheăng nếo. Ki nhên jâ Phạm Thị Tường Vân châ rah xo pro Kăn pơkuâ Khu pơkuâ kăn ƀô̆.
Pôa Nguyễn Văn Gia châ rah xo pro Kăn pơkuâ Khu pơkuâ mơjiâng tơmeăm, pôa Hoàng Sỹ Bích châ rah xo pro Kăn pơkuâ Khu pơkuâ ‘na pêi chiâk deăng ƀă kong prâi; jâ Võ Thị Hảo châ rah xo pro Kăn pơkuâ Khu pơkuâ Khoa hok ƀă Kŏng ngê̆; pôa Tôn Thiện San châ rah xo pro Kăn pơkuâ Khu pơkuâ liăn ngân; ƀă jâ Cil Bri châ rah xo pro kăn pơkuâ Khu pơkuâ hdroâng kuăn ngo ƀă Tiô khôp. Rơtế ƀă inâi kăn pơkuâ, Viƀan kong pơlê Lâm Đồng xuân hiăng diâp mâu pơkâ rah xo pro phŏ kăn pơkuâ dêi 6 khu kố ăm 24 ngế.
Viết bình luận