VOV4.Xơ Đăng - Tiô tối tơbleăng dêi khu xiâm ngăn ‘na mơhno túa lĕm tro, Tơ’noăng ivá ƀă ôm hyô Lâm Đồng, tung rôh Têt Lo hơnăm nếo nhâm Dần hơnăm 2022 (ing hâi lơ 29/12 troh hâi má 6  Têt), Lâm Đồng tơdah lối 300 rơpâu tơmối  ôm hyô troh xah ro rơnó Hơngui, pơtê ối, tâk 566% tơmối tâng vâ pơchông rôh tết lo hơnăm nếo Tân Sửu 2021. 

Tung mê, tơmối troh ối pơtê châ 120 rơpâu ngế ƀă tơmối lâp plâi tơnêi châ 1 rơtuh 900 ngế, ki hên tơkŭm ôm hyô a pơlê kong kơdrâm Đà Lạt. Kơxô̆ tơmối troh kơdrâm a mâu hâi lơ 2 Têt troh hâi 6 Têt, ki hên mâu tíu ối pơtê tung kong pơlê châ lối 956% ivá mâu veăng pơtê ối. Tâk hên, ai drêng ‘nâ tâk luâ râ oh tá bê, yă to kơnâ sap 30- 40% tâng vâ pơchông ƀă hâi ki ê, la ki tơ-ƀrê dêi mâu tíu ăm tơmối ôm hyô xuân tơniăn. Kố cho tơdroăng ki mơhno tơ-ƀrê dêi mâu tíu ôm hyô dêi kong pơlê châ tâk hên tung pơla pêi pro tơdroăng vêh tơniăn tiah hmâ.

Gương tơplôu ƀă tơbleăng