Klêi kơ’nâi ‘mot tơkŭm 3 to kong pơlê Lâm Đồng, Dak Nông ƀă Bình Thuận, kơvâ ôm hyô dêi kong pơlê Lâm Đồng nếo hiăng po ăm môi tơdroăng mơnhông kân rơdâ, hên kế tơmeăm ki ai hlâu, mơnhông. Khu ki lăm ngăn Famtrip mê cho mâu khu ki rơkê, khu ki pơkuâ ngăn ôm hyô, hngêi trung đăi hok, tíu pêi cheăng tê mơdró ôm hyô ƀă hên ki ê hiăng lăm ngăn, séa ngăn mâu kế tơmeăm, ôm hyô a 3 tíu troh ki xiâm dêi kong pơlê Lâm Đồng, mê cho Mũi Né-hmốu kơnía dêi ôm hyô têa kơxĭ Đông Nam Á”, Đà Lạt rơpâu reăng ‘Châu Âu tung dế kơpong nhiê̆t đới”; Tà Đùng-“Kung king Hạ Long a kong ngo”.

Mâu rơkong tơpui tối tiah kố Lâm Đồng kal rĕng pơhlêh pro mâu troăng prôk vâ tơdjêp troăng ôm hyô têa kơxĭ-kong-reăng. Khế ki lăm ôm hyô troh Lâm Đồng hơnăm 2025 ai inâi: Lâm Đồng “Tơkŭm ki lĕm – Tơdjêp hiâm mơno” po sap ing hâi  lơ 6/9 troh lơ 5/10 ƀă mâu tơdroăng túa lĕm tro-ôm hyô-êtê mơdró-tơ’noăng ivá. Kố cho rôh vâ ôm hyô kong pơlê Lâm Đồng tơdjâk ‘na môi kơpong tơnêi hmâ achê hâk kơ tơmối, ai hên túa lĕm tro ƀă ai hên tơdroăng ki pâ nhuô̆m.