Kơ’nâi 3 khế rah lăm veăng cheăng ăm râ cheăm, ăm hlo tung 730 ngế kăn ƀô̆, mâu kăn, mâu ngế pêi cheăng, mâu lêng troh pêi cheăng a cheăm bêng, ăm hlo tung 730 ngế kăn ƀô̆, mâu kăn, mâu lêng lăm chu pêi cheăng a cheăm ai 98% tơdroăng cheăng hiăng pê klêi tơngi klêng, tung mê ai lối 25% pê klêi tro tiô pơkâ.

Rôh rah kăn ƀô̆ lăm veăng pêi cheăng a cheăm dêi kong pơlê Lâm Đồng xuân pro tơƀrê péa tơdroăng, hlối kơdroh ki hngăm hngo ăm cheăm, khu mâu kăn ƀô̆ râ kong pơlê hriâm tâp, hlê nhên tơdroăng cheăng, veăng mơjiâng khu kăn ƀô̆ chiâng pêi tâi tŭm tơdroăng, achê kuăn pơlê, achê tơdroăng cheăng.

Tơbleăng a hâi hôp, pôa Hồ Văn Mười, Kăn hnê ngăn Vi ƀan Kuăn pơlê dêi kong pơlê Lâm Đồng, tối: 730 ngế kăn ƀô̆ rah lăm pêi cheăng a cheăm hiăng veăng rak tơniăn ƀă mơdêk ki pơxúa, tơƀrê dêi mâu kăn cheăm tung pơla pơ’lêh nếo túa pêi cheăng mâu kăn kong pơlê 2 râ.