Tơdroăng xing xoăng kăn ƀô̆ ôh tá xê to tiô a ƀâng hriâm kân kŭn, pêi cheăng ton hơnăm mê ối tơtrŏng ivá ki chiâng pêi cheăng nôkố, hiâm mơno pôu râng hnoăng cheăng ƀă châ tơƀrê tơdroăng cheăng. Hên kăn ƀô̆ hơnăm ối nếo, chiâng rơkê pêi cheăng, tơmiât pơhlêh nếo, khên tơmiât, khên pêi hiăng châ loi tơngah pơcháu hnoăng cheăng a mâu tíu cheăng ki kal.

Pôa Hồ Văn Mười, Kăn hnê ngăn Vi ƀan kong pơlê Lâm Đồng, tối ăm ‘nâi, drêng châ rah xo tro tíu pêi cheăng, kăn ƀô̆ kô pêi tâi ivá tơná, hiâm mơno pôu râng hnoăng cheăng châ mơdêk, tơdroăng cheăng châ tơleăng rĕng, châ tơƀrê tâ, kơdroh tơdroăng ki ví, trut ăm dêi pó ing mê pro krá tơdroăng loi tơngah dêi kuăn pơlê ƀă khu râ kăn pơkuâ mâu râ. Ki nhên ăm hlo tơdroăng rah xo kăn ƀô̆ “tro tíu cheăng, chiâng cheăng” dêi kong pơlê Lâm Đồng ôh tá xê to pơkâ a ngiâ mê ối cho troăng pêi cheăng ton xŏn, mơhno tơdroăng khŏm mơ-eăm kal kí hên dêi kong pơlê tung mơjiâng khu pêi cheăng kăn ƀô̆ ai hiâm mơno lĕm, ivá pêi cheăng ƀă ki loi tơngah, tơxâng tơdroăng pơkâ hnoăng cheăng tung rơxông nếo, gum mơdêk mơnhông cheăng kâ – rêh ối pơlê pơla krá tơniăn.