Leh diâp pri Rôh tơ’noăng tơpui leăng rak vế hiâm mơno Đảng rôh má Pơtăm, hơnăm 2025
Thứ năm, 13:40, 23/10/2025
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Kong măng lơ 22/10, a Hà Nội, Hok viê̆n Chĭnh trĭ Kuô̆k ya Hồ Chí Minh pơkuâ po, tơrŭm ƀă Khu Pơtâng tối ƀă Hnê Mơhnhôk Tơnêi têa, Hô̆i đong tơpui leăng Tơnêi têa, Hlá tơbeăng Nhân dân, Hlá tơbeăng Cộng sản, Rơ’jiu um Tơvi Việt Nam, Khu chêh hlá tơbeăng Việt Nam rơtế tơkŭm po leh diâp pri Rôh tơ’noăng tơpui leăng ‘na rak vế ivá hiâm mơno dêi Đảng rôh má Pơtăm, hơnăm 2025.
A Leh diâp pri, pôa Lương Cường, Kăn xiâm hnê ngăn tơnêi têa rơtế ƀă kăn pơkuâ mâu khu râ, kơvâ cheăng Tơnêi têa hiăng diâp 137 to pri ăm ngế krê: Tung mê, ai 12 pri A, 23 pri B, 36 pro C, 66 pri mơhnhôk. Tung kơxô̆ ki kố, Rơ’jiu xiâm Việt Nam châ kâ 1 pri A ƀă 1 pri C, ing mê, tối nhên hnoăng cheăng djâ troăng ahdrối dêi Rơ’jíu xiâm Việt Nam tung rak vế ivá hiâm mơno dêi Đảng.
Tơdrêng amê, Khu hnê mơhno diâp 20 to pri tơngah ăm đoân viên, droh rơtăm ki ai túa rêh ối lĕm; diâp 20 pri ăm mâu tíu pêi cheăng, kong pơlê ki pêi pêi klêi tung tơkŭm po Rôh tơ’noăng a kong pơlê ƀă râ Tơnêi têa ƀă ai tơmeăm diâp ăm mâu ngế hơnăm hiăng hên ƀă mâu ngế ki chêh hơnăm ối iâ kơhnâ rơkê.
Viết bình luận