VOV4.Xơ Đăng - Kơmăng lơ 26/3, a Hngêi hơdruê Kân Hà Nội, Khu xiâm pơkuâ Đoân Droh rơtăm Kŏng san Hồ Chí Minh, Khu pơkuâ kơxô̆ liăn tŏng kum tuăn ngôa rơkê hơnăm ối nếo Việt Nam tơkŭm po Leh diâp pri Um méa hơnăm ối nếo Việt Nam ƀeăn ƀĕng rơkê hơnăm 2021. Khu tơkŭm po hiăng rah xo ƀă diâp pri 10 um méa hơnăm ối nếo Việt Nam ƀeăn ƀĕng rơkê ƀă 9 ngế hơnăm ối nếo Việt Nam ki loi tơngah má môi hơnăm 2021.

Kố cho mâu droh rơtăm, droh rơtăm phô̆m xông kân ƀă tơdroăng pêi cheăng hôm, rơkê má môi tung mâu tơdroăng hriâm tâp, hriăn plĕng khoa hok, tơ’noăng ivá, pêi cheăng pêt mơjiâng tơmeăm, gâk kring Tơnêi têa. Tung tơdroăng diâp pri, mâu um méa hơnăm ối nếo Việt Nam ƀeăn ƀĕng kơhnâ rơkê ai roh trâm mâ tơpui tơno,  tơpui tơno ƀă mâu ngế ki troh ngăn tung 3 tơdroăng pơxá ‘’Tơdroăng pói vâ ƀă tơdroăng pói tơngah, ‘’Tơkâ hluâ pá mơ-eăm xêh’’ ƀă ‘’Tơdroăng châ tơƀrê pleăng hnoăng cheăng'’.

Ƀă mâu tơdroăng hên tơdroăng ki mơhnhôk hâk vâ, mâu um méa hơnăm ối nếo Việt Nam ôh tá xê to mơhno tơdroăng ki khên tơnôu, tơdroăng mơ-eăm tung rêm tơdroăng dêi tơdroăng rêh ối pơlê pơla mê ối cho tơdroăng ki ôh tá la lâi pơtê tơdroăng mơ-eăm tơmiât pêi rơkê vâ kum tung tơdroăng mơnhông mơdêk ƀă pêi pro tơdroăng pói vâ mơ-eăm dêi tơnêi têa.

A Sa Ly tơplôu [ă tơbleăng