Leh hô̆i Pâ dêi kuăn pơlê tơnăng ká xi xŏng rơpâu kú chéa Phan Thiết
Thứ tư, 05:00, 05/08/2026
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Dó inâi ‘’Rak khôi túa lĕm tro têa kơxĭ – Pâ tơnêi têa kuăn pơlê tơniăn – Kuăn pơlê tơnăng ká xi xŏng lo lăm têa kơxĭ tơnăng châ hên ká xi xŏng’’, Leh hô̆i Pâ dêi kuăn pơlê tơnăng ká xi xŏng rơpâu kú chéa bêng Phan Thiết hơnăm 2026 hiăng po a tíu mơđah tơbleăng troăng kân Phạm Văn Đồng, bêng Phan Thiết, kong pơlê Lâm Đồng.
Kố cho tung tơdroăng “Koh rơnó ôm hyô rơnó mơdrăng hơnăm 2026” dêi kong pơlê. Leh hô̆i tơkŭm po troh lơ 8/8, mê cho tơdroăng ki leh a Dinh Vạn Thủy Tú ƀă tơdroăng ki xah hêi a mâu troăng kân Trưng Trắc, Phạm Văn Đồng rơtế tíu a têa kroăng Cà Ty.
Tung tơdroăng po leh hô̆i ối ai leh tơbleăng ăm xeăng, tơbâ xeăng Ká, pleăng ăm xeăng, leh pleăng kơ’nêi 500 reăng on a têa kroăng Cà Ty; rơhdruê tiô khôi vâi krâ nah, rơhdruê ƀai chòi, tơdroăng xah hêi tiô khôi vâi krâ nah, rơhdruê troăng kơphô̆, kơchơ mơđah tơbleăng tê mơdró ƀă tíu mơđah tơbleăng kơchâi kâ ki phá tơ-ê Phan Thiết.
Viết bình luận