VOV4.Xơ Đăng - Kong pơlê Thanh Hóa hiăng tơkŭm po kân krip leh tơbâ 75 hơnăm hâi Pôa Hồ roh apoăng lăm pôu kong pơlê Thanh Hóa, lơ 20/2/1947 – 20/2/2022; kheăn kơdeăn kuăn pơlê tiô tơdroăng ki djâ hdrối, khu pú hên tiô tơdroăng ki djâ hdrối ƀă mơhnhôk tơdroăng tơ’noăng hơnăm 2022.

Xông tơpui a roh leh, pôa Đỗ Trọng Hưng, Kăn pơkuâ hnê ngăn cheăng Đảng kong pơlê, Kăn hnê ngăn Hô̆i đong kong pơlê Thanh Hóa tối, rêm ngế, rêm kơ koan, tíu cheăng, thế mơ-eăm pêi tơtro ƀă pêi tơtro tâ nếo tơdroăng cheăng dêi tơná xua pơxúa dêi khu pú hên, pơlê xiâm, tơnêi têa; rêm chi ƀô̆, kăn ƀô̆ đảng viên.

Ki má lối cho mơngế ối a ko kơ koan, tíu cheăng, thế mơnhông mơdêk hnoăng djâ troăng ahdrối, cho mơngế ki xiâm, ngế ki djâ troăng ahdrối tung mâu tơdroăng tơ’noăng, pro tơdroăng tơ’noăng chiâng tơdroăng cheăng kăch măng trâu hơngế, xiâm kối vâ pêi pro ƀlêi trâng mâu hnoăng cheăng dêi tơring, tíu cheăng ƀă lâp kong pơlê.

A Sa Ly tơplôu ƀă tơbleăng