VOV4.Xơ Đăng -  Kơxo lơ 6/4 ( tơkéa hâi lơ 6/3 âm lit riân tiô mâ khế), a tíu xối tơbâ Đức Quốc Tổ Lạc Long Quân ƀă Tổ Mẫu Âu Cơ dêi kơpong tíu tơbâ ton nah Đền  Hùng, pơlê kong kơdrâm Việt Trì, Đảng ƀô̆, mâu kăn ƀă kuăn pơlê kong pơlê Phú Thọ teăng mâ kuăn pơlê, mâu lêng tung lâp tơnêi têa, mâu ngế Việt Nam ki rêh ối a kong têa ê tơkŭm po leh xối tơbâ Đức Quốc Tổ Lạc Long Quân ƀă chôu nháng tơbâ troh xiâm Tổ Mẫu Âu Cơ. Leh xối tơbâ Đức Quốc Tổ Lạc Long Quân ƀă chôu nhang tơbâ troh xiâm Tổ Mẫu Âu Cơ châ pêi pro nhoăm pâ, krip tiô tơdroăng hmâ pro sap ing nah, tơniăn tung hbrâ mơdât COVID-19.

Leh xối tơbâ Đức Quốc Tổ Lạc Long Quân ƀă chôu nhang tơbâ Nôu Âu Cơ a Phú Thọ

Ƀă hnê tối ‘’ôu têa pâ kơnhŏng’’ pâ mơnê kơ mâu ngế xiâm rêi jâ pôa cho tơdroăng pêi pro ki lĕm dêi hdroâng mơngế pin. Pâ vêh lăm troh Đức Quốc Tổ Lạc Long Quân ƀă nôu Mẫu Âu Cơ hiăng tơbâ xiâm rêi ăm hdroâng mơngế pin, mơjiâng tơnêi têa, xiâm ki mơnhông mơdêk dêi hdroâng mơngế dêi tơnêi têa pin kơ’nâi mê. Kuăn cháu Lạc Hồng đi đo ‘nâi pâ mơnê kơ hnoăng ki kân dêi Đức Quốc Tổ Lạc long Quân ƀă mâu jâ pôa pin ki hiăng ai hnoăng mơjiâng tơnêi têa.

Gương tơplôu ƀă tơbleăng