A rôh pêi cheăng, pôa Trần Việt Trường khĕn kơdeăn khât tơdroăng cheăng hbrâ dêi kong pơlê Kon Tum a rôh pêi cheăng; hlo kong pơlê Kon Tum ối hên xơpá pơloăng mơnúa, hâi ai xiâm vâ pêi mâu tơdroăng mê.... Khu kăn séa ngăn kơxô̆ 1922 dêi Khu xiâm kal kí xuân tơmâng xo hên tơdroăng ‘na pêi pro tung mơgêi kơxô̆ 123 dêi Khu kăn xiâm Đảng ƀă Pơkâ kơxô̆ 57 dêi Khu xiâm Kal kí.

Kong pơlê Kon Tum pơkâ thế Kuô̆k hô̆i rĕng séa ngăn, pơkâ ‘na mâu luât mơnhông kơpong Tây Nguyên tiô tơdroăng Pơkâ kơxô̆ 23 dêi Khu xiâm Kal kí ‘na troăng hơlâ mơnhông cheăng kâ-rêh ối ƀă rak tơniăn ‘na cheăng lêng, kring vế tơniăn kơpong Tây Nguyên troh hơnăm 2030, tơdroăng vâ pêi troh hơnăm 2045; pơkâ dêi Ngế pro xiâm hnê ngăn Chin phuh, Khu xiâm mơjiâng rĕng tơmâng, séa ngăn ăm troăng hơlâ tơbleăng ‘no liăn pro troăng kân tơdrăng lĕm Quảng Ngãi - Kon Tum vâ pro tơ’lêi hlâu ăm 2 kong pơlê mơnhông tơƀrê.