VOV4. Xơ Đăng - Hâi lơ 26/1 hên hĭn mâu khu mơdró kâ ôm hyô, khu djâ tơmối hiăng chêh kơthô pơtroh Ngế pro xiâm hnê ngăn tơnêi têa Tơbleăng tơdrêng hlối tung khế 2 “Hâi khế lôu péa Ôm hyô tơdah tơmối kong têa ê a Việt Nam”. Tiô mâu khu mơdró kâ ôm hyô, nôkố, Việt Nam dế pơkâ pêi pro tơdah tơmối ôm hyô kong têa ê mot tung 7 to kong pơlêm 5 to kong pơlê hneăng má 1 ƀă ‘mot tơ’nôm 2 to kong pơlê hneăng má 2.

Laga klêi kơ’nâi 2 khế pơkâ ƀă mâu tơdroăng, rơtế ƀă mâu tơdroăng pơkâ krá tơniăn ăm tơmối ƀă mâu khu mơdró kâ ôm hyô, khu tơƀai veăng tung tơdroăng kố, troh nôkố Việt Nam nếo tơdah cha dâng 8.500 ngế tơmối. Xua mê, mâu khu mơdró kâ mơnhên tối, kal ai tơdroăng ki ‘mâi rơnêu rĕng ‘na pơkâ kố vâ tơtro ƀă tơdroăng ki nếo. Pơkâ lôu péa ôm hyô tơdah tơmối kong têa ê dêi Chin phuh, Ngế pro xiâm hnê ngăn Chin phuh cho rôh vâ tŏng rêh mâu khu mơdró kâ, tŏng rêh 2,5 rơtuh ngế pêi cheăng tơdrêng tung kơvâ ôm hyô ƀă lối rơtuh ngế pêi cheăng ôh tá tơdrêng ki ê.

Katarina Nga tơplôu ƀă tơbleăng