VOV4.Xơ Đăng - Khu xiâm ngăn ‘na mơhno túalĕm tro Tơ’noăng ivá ƀă Ôm hyô tơrŭm ƀă mâu khu xiâm ki tơdjâk vâ hnê mơhno nhên  tơrêm tơdroăng drêng lôu péa ôm hyô ƀă pơkâ tung la ngiâ. Kố cho tơdroăng tối nhên dêi pôa Vũ Đức Đam, Ngế pro xiâm phŏ hnê ngăn  tơnêi têa a hneăng hôp ‘na tơdroăng  lôu péa vâ ôm hyô tung pơla hmâ, bê̆ng ƀeăng rak tơniăn, kâi mơdât pơreăng COVID-19, rơtế ƀă chôa ‘mâi mơnhông cheăng kâ-rêh ối.

A hneăng hôp, teăng mâ mâu khu xiâm kơvâ cheăng hiăng tơpui tơno nhên tơrêm tơdroăng ƀă môi tuăn troăng rơhlâ lôu péa ôm hyô lâp plâi tơnêi ing hâi lơ 15/3.2022. Mơgêi a hneăng hôp, pôa Vũ Đức Đam tối nhên: Nôkố ing tơdroăng tiah hmâ nếo, hmâ tơniăn, kâi mơdât pơreăng teăm tơdrêng pin thế ai hnoăng cheăng thâ pêi tơrêm kơvâ cheăng thế séa ngăn ƀă dêi rơpó, pơcháu ăm Khu xiâm ngăn mơhno túa lĕm tro cho xiâm ki pêi cheăng ƀă Khu xiâm ngăn pơkeăng pơlât ƀă mâu khu xiâm vâ ai troăng rơhlâ hnê nhên tơbleăng ăm chin phuh pơkâ ‘na tơdroăng ăm Visa.

Gương tơplôu ƀă tơbleăng