A Hngêi trung râ má péa Chu  Văn An (cheăm Ia O, kong pơlê Gia Lai), Đăi tă Đoàn Ngọc Báu – Chính ủy Mô đô̆i Gâk tơkăng kong kong pơlê Gia Lai hiăng troh diâp kơxuô tơmeăm mơhnhôk apoăng hơnăm ăm 2 ngế hok tro ối tung Tơdroăng ‘”Kum o troh hngêi trung’’ ƀă 20 vâi o  ki ê tung Tơdroăng tơkêa bro ‘”Kăn ƀô̆, lêng Mô đô̆i kum o troh hngêi trung’’, ƀă tâi tâng ki kơnâ lối 150 rơtuh liăn.

Mâu kơxuô tơmeăm mơhno tuăn pâ, hnoăng cheăng dêi mâu ngế lêng tíu tơkăng kong ăm vâi hdrêng. Kố xuân cho tơdroăng ki mơhnhôk kum mâu vâi o tơkâ hluâ pá puât, hmiân tuăn hriâm tâp. Riân lâp tơkăng kong Gia Lai, mâu đông Mô đô̆i gâk tơkăng kong diâp 85 kơxuô tơmeăm (rêm kơxuô 2 rơtuh liăn) ối tung tơdroăng ‘’Kuăn roăng đông mô đô̆i gâk tơkăng kong’’ ƀă 193 kơxuô tơmeăm, rêm kơxuô 7,4 rơtuh liăn tung tơdroăng tơkêa bro “Kum o troh hngêi trung”. Tâi tâng kơxô̆ liăn tŏng gum roh kố vâ chê 1,6 rơtal liăn.