Kơxo lơ 27/1, Khu pơkuâ Mố đô̆i gâk tơkăng kong, kong pơlê Gia Lai tơrŭm ƀă Vi ƀan hnê ngăn cheăm Ia Púch po tơdroăng ‘Hơngui Tơkăng kong – Hơtôu tuăn mơno kuăn pơlê” hơnăm 2026 ƀă hên tơdroăng pêi pro ai pơxúa tơmiât troh Kuăn pơlê kơpong tơkăng kong. Tơdroăng kố ai trâm mâ túa lĕm tro hơdruê xuăng; diâp tơmeăm ăm rơpŏng kơtiê, rơpŏng châ tơnêi têa gum, rơpŏng xơpá; khăm, tiâ mơnhên ivá ƀă hbru pơkeăng tê kơtê.

Mâu tíu pêi cheăng, khu ai hiâm mơno hơ-ui hiăng diâp lối 800 kơxuô tơmeăm ƀă tâi tâng kơnâ lối 600 rơtuh. Pakĭng mê cho mâu tơdroăng cheăng pa gong môi tiah Kơbong tê tơmeăm 0 liăn, Kơbong tê kơchâi ngiât Tơkăng kong, “Kŏng rơkê Tơkăng kong”, tơdroăng xah hêi chal krâ ƀă tơ’noăng kơxuô kơƀăn chưng, pro chiâng hơniâp ro, tơrŭm pơla lêng – kuăn pơlê.

Kố cho tơdroăng cheăng tiah hmâ, veăng gum pêi pro tơƀrê troăng hơlâ tŏng gum rêh ối pơlê pơla, gum kuăn pơlê tíu kăng kong tơdah Têt phâi hơtôu.