VOV4.Xơ Đăng - Kơxo lơ 30/3, Kơ koan xiâm xo hnoăng mơhá tơbleăng Mơ-éa ki kal kơxô̆ 04 ‘na pêi pro kơlo hnoăng mơhá rak vế kong prâi ƀă têa kơxăng, têa châu, nhơk, rơmâ pik kơmăi kơmok tiô pơkâ a Pơkâ kơxô̆ 18/2022 dêi Viƀan pơkuâ Kuô̆k hô̆i. Tơdroăng ki xiâm mơ-éa kal tối nhên, Kơ koan xiâm xo hnoăng mơhá pơkâ mâu Kơ koan xiâm xo hnoăng mơhá hbrâ pơtâng tối, tơbleăng ƀă hnê mơhno ăm mơngế nâp hnoăng mơhá tung kong pơlê.

Tơdrêng amê hnê mơhno mâu Kơ koan xiâm xo hnoăng mơhá tung kong pơlê, pơlê kong kơdrâm teăm pêi pro tơdrêngxúa kơlo hnoăng mơhá rak vế kong prâi ƀă têa kơxăng, têa châu, nhơk, rơmâ pik kơmăi kơmok tiô pơkâ a Pơkâ kơxô̆ 18 vâ tah lôi pá puât, tŏng kum pro tơniăn mơnhông mơjiâng pro tơmeăm khoăng, tê mơdró dêi kuăn pơlê, khu tê mơdró tung pơla yă têa châu tá hâi kơhleăng ai tâk to kơnâ, tơdroăng pơreăng COVID-19 ối xông tâ tú ó.

          A Sa Ly tơplôu ƀă tơbleăng