Tơdroăng tơkêa bro troăng kân tơdrăng lĕm Khánh Hòa - Buôn Ma Thuột (rôh má 3) xŏn lối 48km, ƀă tâi tâng kơlo tŏng kum 6.765 rơtal liăn. Troh nôkố mâu khu mơjiâng pro hiăng chiâ klêi mâu kloh ki mot,  troăng klŏng mơ’no têa a troăng ƀă pro 22 to kông, châ 57%. La tơdroăng xo liăn ngân bú 1.525 rơtal liăn, châ 37%.

Khu rak ngăn tơdroăng tơkêa bro ‘no liăn mơjiâng pro troăng prôk ƀă Khu ngăn ‘na chiâk deăng ƀă mơnhông thôn pơlê kong pơlê Dak Lak, ăm ‘nâi ki xiâm cho xúa mâu tíu pêi cheăng hâi tơkŭm mâu kơmăi vâ pêi, pêi cheăng tơ’nôm chôu, tơ’nôm pêi; xiâm ăm tơmeăm ki ki ăm pêi tơnêi, hmốu hâi teăm tơdrêng.

Tơbleăng a rôh hôp, pôa Trương Công Thái, Phŏ kăn hnê ngăn Vi ƀan kong pơlê Dak Lak pơkâ thế khu mơjiâng pro xiâm ƀă khu mơjiâng pro kơ'nâi thế mơ-eăm hbrâ tơmeăm, rơxế, kơmăi ƀă kuăn mơngế vâ tơniăn  drêng pro, pêi cheăng tơ’nôm chôu, tơ’nôm mơngế thế pêi kơtăng. Troh drêng khu mơjiâng pro kơ’nâi ôh tá tơniăn tơdroăng cheăng, tơdroăng mơjiâng pro thế pơtê ƀă khu mơjiâng pro kơ’nâi, ƀă khu mơjiâng pro xiâm thế pôu râng hnoăng cheăng tơná ƀă kăn xiâm pơkuâ ‘no liăn cheăng.