VOV4.Xơ Đăng - Tung kong pơlê Khánh Hòa nôkố dế mơjiâng pro tơdroăng tơkêa bro troăng kân tơdrăng lê̆m Peăng Kơnhŏng - Peăng Hdroh tâi tâng ki xŏn gá 54km. Mâu khu xiâm kơvâ cheăng, kong pơlê dế thâ tơbleăng 2 tơdroăng tơkêa bro troăng kân lê̆m tơdrăng tơdjêp Vân Phong- troh Nha Trang ƀă Tơdroăng tơkêa bro troăng kân tơdrăng lê̆m Khánh Hòa - Ƀuôn Ma Thuột. Mâu tơdroăng tơkêa bro troăng kân lĕm kô pro klêi kô tơdjêp, pro tơ’lêi  hlâu ăm kơpong peăng hdroh tơdế tơnêi têa rĕng mơnhông tơ-ƀrê tung cheăng kâ. 

Klôh kơdâm rơnâk kơpêng pơla troăng sap Nha Trang - Cam Lâm dế mơjiâng pro

8 khế hdrối, tơkâ luâ hên tơdroăng pá xua pơreăng COVID-19, kong prâi ôh tá tơniăn, Tơdroăng tơkêa mơjiâng pro pơla mâu troăng ki ‘nâ dêi troăng kân tơdrăng Peăng kơnhŏng- Peăng Hdroh ‘na mâ hâi lo pơla hơnăm 2017-2020 , tơkâ luâ kong pơlê Khánh Hòa thâ mơjiâng pro.  Tơdroăng tơkêa bro klâ pro 2 tơdroăng  pêi pro, mê cho pơla troăng xap Nha Trang - Cam Lâm xŏn lối 49km ƀă  xap ing Cam Lâm - Vĩnh Hảo xŏm 5km, châ ’no liăn mơjiâng pro tiô tơdroăng hợp đồng BOT tá liăn tơnêi têa ƀă liăn khu mơjiâng mơjiâng.

Troh nôkố, tơdroăng tơkêa bro troăng xap ing Nha Trang- Cam Lâm hiăng pêi luâ pơkâ lối 1 khế, tiô tối hdrối kô pê klêi a tơdế hơnăm 2023, rĕng tâ tâng vâ pơchông ƀă tơdroăng pơkâ ai 3 khế.

Gương tơplôu ƀă tơbleăng