VOV4.Xơ Đăng - Tung rôh lăm pôu Việt Nam dêi Ngế pro xiâm hnê ngăn kong têa Malaysia ƀă khu kăn xiâm Chin phuh kong têa Malaysia, kơxê lơ 20/3, Ngế pro xiâm hnê ngăn kong têa Malaysia rơtế ƀă mâu kăn xiâm dêi Malaysia hiăng trâm mâ ƀă 3 khu mơdró Việt Nam cho cho grup Sovico; Mơjiâng hơniâp lê̆m Hòa Bình ƀă Gami. A rôh trâm mâ, Ngế pro xiâm hnê ngăn kong têa Malaysia púi vâ khu mơdró péa tơnêi têa tơrŭm ƀă tung tŭm tơdroăng môi tiah: Troăng prôk rơxế kơtâu, ôm hyô, pêi cheăng...

Kố cho mâu tơdroăng hiăng tro pro mơdon xua pơreăng kân ƀă kô ‘’Po rơdêi’’ vâ  mơdêk vêh pêi cheăng nếo tung la ngiâ. Khu xiâm ngăn ‘na tê mơdró ƀă cheăng kơmăi kơmok lâp plâi tơnêi Malaysia tối, Việt Nam ƀă Malaysia ai hên tơdroăng mơdêk tơrŭm cheăng kâ pơla péa pâ tung la ngiâ klêi kơ’nâi pơreăng COVID-19, ƀă malối cho tê mơdró ƀă ‘no liăn cheăng.

Gương tơplôu ƀă tơbleăng