VOV4.Xơ Đăng - Hai lơ 4/3, a pơlê kong kơdrâm Phú Quốc, kong pơlê Kiên Giang, Khu xiâm tơpui kâ Việt Nam tơkŭm po rôh hôp mơgêi 20 hơnăm hnoăng cheăng klâ xoăng tâp tơneăn hdró tíu tơkăng kong a tơnêi pơla Việt Nam – Kul.

Tâ tá Rôh hôp

Pôa Phạm Bình Minh, Ngế pro xiâm phŏ hnê ngăn má môi tơnêi têa veăng hôp a rôh hôp. Tơpui a rôh hôp, pôa Bùi Thanh Sơn, ngế xiâm tơpui kâ tơnêi têa pin tối tiah kố: rôh hôp kố ai pơxúa kal khât vâ tối nhên tơdroăng ki pêi pro klêi xing xoăng tâp tơneăn hdró tíu tơkăng kong dâng 84% troăng tơkăng kong a tơnêi Việt Nam – Kul; mơgêi, mơnhên tối 20 hơnăm tơbleăng tơpui tơno xing xoăng tíu tơkăng kong tâp tơneăn hdró tíu tơkăng kong a tơnêi Việt Nam – Kul; tơdrêng amê hlối pơkâ mơ’no túa pêi cheăng tíu tơkăng kong a tơnêi Việt Nam – Kul tung la ngiâ, tung mê ai tơdroăng mơdêk tơpui tơno xing xoăng tơneăn tâp hdró tíu tơkăng kong ki u ối.

Katarina Nga tơplôu ƀă tơbleăng