VOV4.Xơ Đăng - Klêi kơ’nâi 3 hâi pêi cheăng kuăn pơlê pơkuâ dêi hnoăng cheăng ƀă kơtăng, kơxo lơ 11/3, Hneăng hôp kăn teăng mâ vâi kơdrâi lâp tơnêi têa roh má 13 hiăng hôp mơgêi. Hneăng hôp hiăng têk kŏng môi tuăn tơbleăng ăm pêi pro Pơkâ Hneăng hôp 13 Khu pơkuâ vâi kơdrâi Việt Nam ƀă pơkâ: Mơnhông mơdêk khôi túa lĕm tro, hiâm mơno rŭm môi tuăn, tơmiât pêi rơkê, hbrâ mot tung khu tơrŭm, hlê plĕng pơkuâ dêi tŭm tơdroăng cheăng dêi mâu râ vâi kơdrâi; mơjiâng tơkŭm po Khu ó rơdêi, thăm mơjiâng Đảng, mơjiâng khu cheăng kal kí, gak kring hnoăng ƀă ki pơxúa tơxâng dêi vâi kơdrâi.

Mơ-eăm troh hơnăm 2030, leh tơbâ 100 hơnăm mơjiâng Khu pơkuâ vâi kơdrâi Việt Nam, mơnhên hnoăng cheăng tơkŭm po djâ troăng ahdrối lo pêi tŭm tơdroăng xua hơniâp vâi kơdrâi, ai tơdjâk tung kơpong ƀă lâp plâi tơnêi; kum pêi pro ƀlêi trâng pơkâ xiâm mơnhông mơdêk tơnêi têa. Pơkâ xuân mơ’no kơlo pêi rêm hơnăm kum 33.500 rơpŏng vâi kơdrâi hluăn ing kơtiê, hluăn vâ chê kơtiê; tŏng kum mơdêk ivá ăm 17.000 ngế vâi kơdrâi cho khu pơkuâ khu tê mơdró, pơkuâ Khu tơrŭm cheăng, rơpŏng tê mơdró; troh mơ’nui hneăng, mơhnhôk, tŏng kum mơjiâng nếo 350 khu tơrŭm cheăng ai vâi kơdrâi veăng pơkuâ.

Rêm hơnăm, rêm tíu pêi cheăng Khu mơhnhô, tŏng kum tơ’nôm 05 rơpŏng châ plah pơkâ ‘’rơpŏng 5 ôh, 3 krúa lĕm’’ lơ ‘’rơpŏng 5 ai, 3 krúa ƀă hía hé.

A Sa Ly tơplôu [ă tơbleăng