Kơ’nâi 4 hâi pêi cheăng thâ, pêi kơtăng ƀă tơdroăng “Tơrŭm- môi tuăn - Tro luât - Rak krá tuăn tơmiât - Pêi tơƀrê - Mơnhông tơƀrê” ƀă ing tuăn vâ khât, kơxo hâi lơ 2/10, a Hngêi hôp kân Khu xiâm pơkuâ ngăn lêng, hneăng hôp mâu kăn Đảng ƀô̆ Lêng rôh má 12, hneăng hơnăm 2025-2030 hiăng pê klêi tâi tâng tơdroăng pơkâ ƀă rôh hôp mơgêi.

Tơbleăng mơgêi hneăng hôp, pôa Tô Lâm - Kăn xiâm pơkuâ hnê ngăn Đảng, Kăn hnê ngăn Đảng Lêng Xiâm tối nhên, troăng hơlâ, luât pơâ ki hneăng hôp tơbleăng cho troăng hơlâ ki kal vâ Đảng ƀô̆ lêng ƀă tâi tâng mâu lêng mơ-eăm mơjiâng Đảng ƀô̆ lêng krúa, rơdêi tŭm tơdroăng, pêi tơdroăng ki lem, kơhnâ, mơjiâng khu lêng kăch măng ki rơkê, cheăng tiô túa nếo, mơdêk ivá rơdêi mâu lêng, kring vế tơniăn hnoăng pơkuâ, lâp tơnêi têa Việt Nam xah hô̆i chuh ngiah, veăng mơjiâng tơnêi têa hơniâp ro, kro mơdrŏng, rơkê plĕng, krá kak hvêa prôk tiô chuh ngiah xah hô̆i.