VOV4.Xơ Đăng - Kơxê lơ 19/1, Vi ƀan pơkuâ Kuô̆k hô̆i hiăng mơgêi hneăng hôp roh má 7. Tơbleăng mơgêi hneăng hôp, pôa Vương Đình Huệ, Kăn xiâm hnê ngăn Kuô̆k hô̆i pơkâ thế tung la ngiâ tơkŭm pêi tro tơdroăng tối nhên ‘na tơdroăng cheăng pơ’lêh nếo ƀă rế tâi liăn tơnêi têa ƀă tơdroăng kơ-êng tiâ rơkong kơ-êng dêi mâu kăn a Vi ƀan pơkuâ cheăng Kuô̆k hô̆i. Kăn xiâm hnê ngăn Kuô̆k hô̆i pơkâ thế Hngêi tơleăng xiâm pơtối tí tăng ‘nâi plĕng rơkong tơpui tơdroăng tơleăng dêi Khu kăn tơleăng kuăn pơlê vâ tơniăn pêi tro ƀă mơdêk ki nhoăm tơtro tung tơdroăng cheăng tơleăng, mơdêk ki tơ-ƀrê dêi tơdroăng cheăng tơleăng.

Pôa Vương Đình Huệ, Kăn xiâm hnê ngăn Kuô̆k hô̆i tơbleăng mơgêi hneăng hôp

Kăn xiâm hnê ngăn Kuô̆k hô̆i xuân pơkâ thế, tối nhên tâ tơdroăng cheăng dêi Vi ƀan pơkuâ cheăng Kuô̆k hô̆i tung hơnăm 2021 vâ pơkâ troăng rơhlâ ăm tơdroăng cheăng dêi hơnăm kố ƀă hbrâ rôh hôp má 3, Kuô̆k hô̆i hneăng 15 ƀă tơdroăng ki kal cho tơdroăng mơjiâng luât. Tung mê, ai tơdroăng pơtroh ăm Kuô̆k hô̆i séa ngăn vâ tơbleăng mâu tơdroăng tơkêa dêi luât ki châ hnê tối a rôh hôp má 2 ƀă ăm veăng hnê tối ƀă mau tơdroăng tơkêa luât a Kuô̆k hô̆i rôh apoăng.

 Gương tơplôu ƀă tơbleăng