VOV4.Xơ Đăng - Kơxo lơ 28/3, a kong pơlê Vĩnh Phúc, Khu xiâm pơkuâ Đoân Droh rơtăm Kŏng san Hồ Chí Minh tơkŭm po Leh mơhnhôk môi tuăn Hơnăm rak tơniăn rơxế kơtâu ƀă troăng klông hơnăm 2022. Ƀă dó inâi ‘’Xua ivá, châ chăn dêi mơngế kơto rơxế drô troăng kân’’, mâu râ Đoân, Hô̆i, Đô̆i lâp tơnêi têa kô pêi pro hên tơdroăng mơdêk khôi túa lĕm tro troăng klông, rak tơniăn rơxế kơtâu ƀă troăng klông a mâu ‘’tíu ki hmâ trâm xía vâ’’, veăng mơjiâng pro troăng klông tơniăn lĕm.

Leh mơhnhôk Hơnăm tơniăn troăng klông ƀă rơxế kơtâu

Pakĭng mê, Khu xiâm pơkuâ Đoân droh rơtăm Kŏng san Hồ Chí Minh kô tơrŭm Viƀan rak tơniăn troăng klông tơnêi têa pêi pro mâu tơdroăng kân môi tiah Hâi tơkŭm hôp phiu ro ‘’Droh rơtăm ƀă khôi túa rak tơniăn kơto rơxế drô troăng klông’’, Hneăng hôp tơpui tơno ‘’Droh rơtăm khôi túa lĕm tro ‘na troăng klông’’, Hneăng hôp ‘’Kăn pơkuâ hơnăm ối nếo rak tơniăn troăng klông’’, Roh tơ’noăng ‘’Xúa kŏng ngê̆ tung tơdroăng rak tơniăn troăng klông ƀă rơxế kơtâu ‘’.

Klêi kơ’nâi leh mơhnhôk, dâng 1 rơpâu ngế đoân viên, droh rơtăm kong pơlê Vĩnh Phúc hiăng lo lăm tơkŭm prôk drô troăng mơhnhôk, pơtâng tối ‘na rak tơniăn troăng klông ƀă rơxế kơtâu; veăng Tơpui tơno ‘’Drôu, ƀiêr ƀă tơdroăng tơklâm drô troăng kân’’.

A Sa Ly tơplôu [ă tơbleăng