Tối tơbleăng a rôh leh, pôa Phạm Minh Chính Ngế pro xiâm hnê ngăn tơnêi têa tối, kố cho tơdroăng leh kân, po a rôh ki kal, drêng troh tơbâ 50 hơnăm Hâi châ tơleăng lĕm Peăng Hdroh, lâp tơnêi têa tơrŭm môi. Vâ pê klêi tơdroăng Mơhnhôk tơ’noăng “lâp tơnêi têa tơ'noăng pơhlêh hriăn plĕng ki nếo, pơhlêh kơxô̆”, pôa Phạm Minh Chính, Ngế pro xiâm hnê ngăn tơnêi têa pơkâ thế rêm râ ủy đảng, mâu kăn, malối mâu ngế pơkuâ xiâm, kal thế djâ troăng ahdrối tung mơnhông rơkê plĕng cheăng kơxô̆, mơhnhôk pơ’lêh nếo tung hriăn plĕng ki nếo a cheăm tơring ƀă kơ koan tơná pêi cheăng.

Khu mơdró cheăng ƀă kŏng ngê̆ rak hnoăng cheăng ki djâ ahdrối, tung pêi cheăng; Mâu kăn rơtế ƀă; kuăn pơlê kơhnâ veăng pêi pro ƀă tơdroăng pơkâ: “Kuăn pơlê ƀă khu mơdró cho xiâm, cho ngế ki veăng pêi, xiâm pêi cheăng, ki xiâm mơhnhôk pêi cheăng, khu cheăng khoa hok cho mâu ngế ki xiâm; Tơnêi têa cho xiâm ki pơkuâ hnê djâ, mơhnhôk thế pêi, pro hlâu vâ mơnhông cheăng khoa hok kŏng ngĕ, pơ’lêh hriăn plĕng ki nếo ƀă pơ’lêh kơxô̆ dêi tơnêi têa”.