Xông tơpui a roh hôp, pôa Phạm Minh Chính, Ngế pro xiâm hnê ngăn tơnêi têa tối viên chưk pêi cheăng ƀă mơngế pêi cheăng a mâu cheăm mơhé hiăng tŭm ƀă rah xo bro lế lĕm tro laga tá hâi tơniăn khât; kăn ƀô̆, kŏng chưk xuân tá hâi tŭm tơdroăng pêi cheăng ki trâu, ki má lối tung mâu kơvâ tơnêi tơníu, mơjiâng, kŏng ngê̆ thông tin.

Tung la ngiâ, Ngế pro xiâm hnê ngăn tơnêi têa pơkâ thế mâu khu xiâm, kơvâ cheăng pơtối kêi đeăng troăng pơkâ pêi, troăng hơlâ. Kêi đeăng tâi tâng khu pêi cheăng, mơngế pêi cheăng, pơkâ thế Khu xiâm pơkuâ kăn ƀô̆ mơjiâng tíu pêi cheăng ăm khu râ kăn pêi cheăng 2 râ, ki má lối cho a mâu tíu pêi cheăng, tơniăn tơtro, teăm tơdrêng.

Pôa Phạm Minh Chính, Ngế pro xiâm hnê ngăn tơnêi têa pói vâ khu pêi cheăng tơnêi têa pơtối mơnhông hiâm mơno khŏm mơ-eăm hên, mơ-eăm kân, pêi cheăng kơtăng, tơrŭm môi tuăn, pôu râng hnoăng cheăng, tơmiât pêi rơkê, djâ troăng pêi khu râ kăn pơkuâ péa râ prôk trâu hơngế păng ‘nâng, châ tơƀrê, kum kal khât tung mơjiâng tơdroăng pro mơ-éa tiô rơxông nếo, tơdrăng, xua kuăn pơlê, xua tơnêi têa.