VOV4.Xơ Đăng - Kơxo lơ 26/1, pôa Trần Cẩm Tú, Ngế cheăng tung khu xiâm kal kí, kăn hnê ngăn Tíu xiâm Đảng, Ngế pơkuâ séa ngăn tíu xiâm rơtế ƀă khu kăn ki lăm pêi cheăng hiăng troh lăm pôu rơkâu têt, hbru tơmeăm têt ăm mâu ngế dế pêi hnoăng cheăng plâ mơdât pơreăng COVID-19 dêi kong pơlê Quảng Bình; lăm pôu mơhnhôk ƀă hbru tơmeăm têt ăm mâu rơpŏng ai hnoăng tơnêi têa, rơpŏng kơtiê tung kuăn pơlê.

Pôa Trần Cẩm Tú, Ngế pơkuâ Vi ƀan séa ngăn xiâm tơnêi têa khĕn kơdeăn khât mâu hnoăng veăng ‘no dêi khu kăn bô̆, mau ngế pêi cheăng ‘na pơkeăng ƀă khăm pơlât, mâu lêng tơplâ, mâu ngế kring gak a xiâm tíu plâ mơdât pơreăng hiăng ôh tá xâu pá puât tơkâ luâ tơdroăng xơpá, vâ plâ mơdât pơreăng.

Rôh kố, pôa Trần Cẩm Tú hiăng hbru tơmeăm têt ăm mâu lêng mâu ngế cheăng plâ mơdât pơreăng; hbru tơmeăm têt ăm mâu rơpŏng ai hnoăng tơnêi têa ki kơtiê, rơpŏng kơtiê xơpá, mâu kŏng nhân ki pêi cheăng a cheăm Quảng Đông, tơring Quảng Trạch, kong pơlê Quảng Bình.

Gương tơplôu ƀă tơbleăng