VOV4.Xơ Đăng - Kơxê lơ 21/3, pôa Phạm Minh Chính, Ngế pro xiâm hnê ngăn Chin phuh hiăng tơdah jâ Manuela V. Ferro, Kăn phŏ hnê ngăn Hngêi rak liăn ngân lâp plâi tơnêi (WB) pơkuâ kơpong Đông Á ƀă Thái Bình Dương. Ngế pro xiâm hnê ngăn tơnêi têa tối Chin phuh Việt Nam đi đo nhoăm ngăn WB cho ngế pú hmâ ki le\m, ƀă mơnhông mơdêk ki kal, Việt Nam kô pơtối kơ-êng WB ƀă Khu 6 to Hngêi rak liăn mơnhông mơdêk vâ tơpui tơno mâu tơdroăng vâ pơtối pê klêi luât pơkâ, thâ lêi tah mâu tơdroăng tơvâ tơvân, ăm tơtro mâu hlá mơ-éa pro pơla rêm pâ vâ tơbleăng tơdroăng tơkêa bro tơniăn, tro tiô pơkâ.

Ngế pro xiâm hnê ngăn tơnêi têa khe\n kơdeăn ƀă pơkâ thế WB pơtối tơmâng, tŏng kum, tơrŭm cheăng tơ-brê ƀă Việt Nam na liăn, kŏng ngê̆, luât pơkâ, mơngế pêi cheăng, rak ngăn hbrâ ví  ƀă hyôh kong prâi hơ’lêh , pêi tơdroăng tơhrâ a hneăng hôp COP26 tiô tơdroăng pêi achê tâi tâng kuăn pơlê, lâp plâi tơnêi, tơniăn tơdâng tơ’mô, tro luât ƀă kong têa dế mơnhông mơdêk.

Gương tơplôu ƀă tơbleăng