A rôh leh, Khu Tơkŭm po hiăng diâp 4 pri A; 10 pri B; 12 pri C; 18 pri mơhnhôk ăm mâu ngế ki chêh, khu chêh ai ƀai châ khên rơkê chêh ‘na hbrâ, mơdât kâ kơluâ, mơhrê liăn ngân, pro ôh tá tro.

Veăng leh ƀă diâp pri, pôa Phạm Minh Chính Ngế pro xiâm hnê ngăn Chin phuh loi khât Pri hlá tơbeăng tung lâp tơnêi têa ‘na hbrâ, mơdât kâ kơluâ, mơhrê liăn ngân, pro ôh tá tro kô ôh tá la lâi pơtê pơ’lêh nếo, tơbleăng lâp lu, mơhnhôk mơ-eăm, pro thăm ai tuăn loi ăm mâu ngế ki cheăng chêh hlá tơbeăng châ chêh tối mâu tơdroăng, pleăng hnoăng ki rơkê tơná, hiâm mơno vâ pêi cheăng, tuăn ngôa rơkê ăm tơdroăng cheăng tơplâ hbrâ, mơdât kâ kơluâ, mơ’nhiê liăn, pro ôh tá tro; veăng mơjiâng hlá tơleăng kăch măng rơkê plĕng, rơkê chêh tiô túa nếo, mơjiâng tơnêi têa kro mơdrŏng, hơniâp ro, rơkê plĕng, hơniâp lĕm tung chal nếo.