VOV4.Xơ Đăng - Hlo tơdroăng pơreăng tâ tú rơ-iô, pá vâ kâi ví, vâ ‘nâi hdrối vâ tối tơbleăng, vâ rak tơniăn, ‘mâi mơnhông ƀă mơdêk ki tơ-brê tung hmâ mơdât pơreăng ki hiăng châ chiâng pêi pro, pơtối lôu péa, mơdêk ƀă mơnhông cheăng kâ rêh ối, pôa Phạm Minh Chính, Ngế pro xiâm hnê ngăn tơnêi têa  tơbleăng kơthô pơkâ thế; Mâu kơ koan cheăng ‘na kal kí, mâu khu xiâm, kơvâ cheăng, rêm râ, kuăn pơlê ƀă khu mơdró pơtối rak troăng rơhlâ tơná, mơ-eăm, chân tuăn, pôi tá tơngôu, đi đo hbrâ rơnáu ƀă ôh tá xâu rơ-iô, pôi tá préa tung hbrâ mơdât pơreăng COVID-19; pơtối mơdêk pêi kơtăng mâu pơkâ, troăng rơhlâ hiăng châ Đảng tơnêi têa pơkâ; tơkŭm pêi kơtăng, tơ-ƀrê pâk vaccine, rĕng châ xuá mâu tơdroăng pơlât, pơkeăng pơlât, hlối rak vế pêi pro tro , ai pơxúa mâu pơkâ hbrâ mơdât pơreăng dêi kuăn pơlê...

Ing mê, mâu kong pơlê mơdêk rơdêi tâ nếo tơdroăng pâk vaccine trum má 3 ăm mâu ngế sap 18 hơnăm tơngi klêng, pê klêi tung pái khế apoăng hơnăm 2022; pâk trum má 2 ăm vâi ‘nĕng sap 12 hơnăm troh pá xôp 18 hơnăm, pê klêi tung khế 2 hơnăm 2022; hbrâ tŭm tơdroăng ‘na tơmeăm  tíu ối, tơmeăm pơlât, rơxế vâ rak tơniăn, tíu pơlât, mơngế vâ pâk ăm vâi ‘nĕng ing 5 troh 12 hơnăm klêi châ  mung vaccine.

Gương tơplôu ƀă tơbleăng