Rôh lăm pôu kố châ tơngah kô pro trâu hơngế tâ tơrŭm cheăng pơla péa pâ, pro ivá vâ ăm tơrŭm cheăng kố mơnhông tâk troh hneăng ki nếo. Rôh lăm pôu dêi pôa Christopher Luxon, Ngế pro xiâm hnê ngăn kong têa rôh kố ối cho rôh ki kal vâ péa pâ mơnhên tối tung pơla tơrŭm cheăng ƀă mâu kong têa tơrŭm tung la ngiâ pơla hdrối nah, vâ rơtế pơkâ troăng prôk tung la ngiâ ăm tơrŭm cheăng pơla péa tơnêi têa tung ton hơnăm la ngiâ.

Kố ối cho rôh pôu apoăng dêi pôa Christopher Luxon, Ngế pro xiâm hnê ngăn kong têa troh Việt Nam sap ing pôa chiâng ngế ki ối a ko Chin phuh tơrŭm a New Zealand, ƀă kơjo ‘na tơpui kâ nếo cho thăm mơdêk tơrŭm ƀă ASEAN ƀă mâu kong têa Đông Nam Á, tung mê, Việt Nam cho môi tung mâu kong têa tơrŭm cheăng xiâm. Tung rôh lăm pôu kố, pôa Christopher Luxon, Ngế pro xiâm hnê ngăn kong têa kô ai rôh tơpui păng ‘nâng ƀă pôa Phạm Minh Chính, Ngế pro xiâm hnê ngăn Chin phuh, koh tơpui tơno ƀă mâu kăn xiâm dêi Đảng, Tơnêi têa ƀă Kuô̆k hô̆i ƀă pôu mâu tíu pêi cheăng, túa lĕm tro, hnê hriâm a Hà Nội ƀă Pơlê kong kân Hồ Chí Minh.