VOV4.Xơ Đăng - Kơxo lơ 22/9, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh pơkuâ roh hôp Chin phuh ‘na mơjiâng luât khế 9 hơnăm 2022. Xông tơpui a roh hôp, pôa Phạm Minh Chính tối nhên, tơdroăng cheăng kâ lâp plâi tơnêi tối tơdjuôm dế trâm hên pá puât, chu kơdroh, liăn chu rơpâ yă tâk. Achê kố, mâu hngêi arak liăn xiâm kong têa Mih, EU, Ăng-glê, Nhuk ai tâk liăn rơkâ, tâk ki kơnâ liăn mê chiâng pro kơdroh ki kơnâ liăn mâu kong têa, tơdjâk kân troh mâu kong têa, tung mê ai Việt Nam. Chin phuh kal pơkâ mơ’no mâu hnoăng cheăng tơleăng vâ mơdât tơdroăng pá puât kố.

Ngế pro xiâm hnê ngăn pơkuâ roh hôp Chin phuh ‘na mơjiâng pro luât khế 9

A roh hôp Ngế pro xiâm hnê ngăn tơnêi têa pơkâ mâu khu tơrŭm cheăng Chin phuh tơpui tối ‘na mâu tơdroăng tơkêa bro luât, ki rơhêng vâ tối cho tơdroăng pơkâ pêi, kố cho tơdroăng kân ƀă pá, xua mê Ngế pro xiâm hnê ngăn tơnêi têa pơkâ thế mơdoh chôu, ivá, tuăn ngôa rơkê vâ tơpui tung mâu tơdroăng xiâm dêi mâu tơdroăng tơkêa bro luât.

A Sa Ly tơplôu ƀă tơbleăng