VOV4.Xơ Đăng - Pôa Phạm Minh Chính, Ngế pro xiâm hnê ngăn Chin phuh nếo ai mơ-éa ki kal dêi Chin phuh ‘na mơjiâng tơdroăng lôu péa tơniăn, khoa hok, châ tơƀrê tơdah tơmối lâp plâi tơnêi. Pơtối mê, Ngế pro xiâm hnê ngăn tơnêi pơkâ Khu xiâm pơkuâ ‘na mơhno túa lĕm tro, Tơ’noăng ivá ƀă ôm hyô pơkuâ, tơrŭm ƀă mâu Khu xiâm: Khu xiâm khăm pơlât, Khu xiâm pơkuâ lêng, Kŏng an, Khu xiâm tơpui kâ, Khu xiâm rak tơniăn troăng prôk ƀă rơxế kơtâu, Khu xiâm pơkuâ tơdroăng pơtâng tối tơdroăng kal tiô troăng rơ’jíu, um tơvi ƀă măng internet, mâu khu xiâm, kơvâ cheăng ki tơdjâk ƀă mâu kong pơlê thâ mơjiâng ƀă pêi pro pơkâ pêi, troăng prôk la ngiâ, troăng pêi lôu péa pêi cheăng tơdroăng ôm hyô lâp plâi tơnêi tơniăn, khoa hok, châ tơƀrê.

Vi ƀan kuăn pơlê mâu kong pơlê, pơlê kong kơdrâm ối tung Tơnêi têa hbrâ tơrŭm ƀă Khu xiâm pơkuâ ‘na mơhno túa lĕm tro, Tơ’noăng ivá ƀă ôm hyô, Khu xiâm pơkuâ ngăn pơkeăng ƀă khăm pơlât ƀă mâu kơ koan ki tơdjâk mơjiâng, tơbleăng pơkâ pêi ki nhên vâ tơkŭm pêi pro; hbrâ ‘na ivá khăm pơlât, hbrâ ‘na mơngế pêi cheăng, tơmeăm khoăng hbrâ mâu troăng pêi, troăng tơniăn hbrâ mơdât pơreăng ƀă hbrâ pêi cheăng drêng ai tơdroăng ki nếo ai tung tơdroăng khăm pơlât.

            A Sa Ly tơplôu ƀă tơbleăng