Rôh kong mêi têa kân lân lu pơla hdrối kố nah hiăng tơ’nhiê hên tơmeăm ƀă ‘na mơngế, hên troăng prôk, kế tơmeăm tro tơhnah tơhnâp, tơ’nhiê ó, tơdjâk troh tơdroăng rêh ối ƀă cheăng kâ. Riân ngăn apoăng ăm hlo 42 ngế hlâ ƀă hía, 6 ngế tro rong. Ngế pro xiâm hnê ngăn tơnêi têa pơkâ thế mâu kong pơlê ing Nghệ An troh Quảng Ngãi rơtế ƀă mâu ki ai tơdjâk rĕng tơbleăng cheăng tŏng xo, rak ngăn mơngế ki tro rong, gum kế kâ, têa ôu, pơkeăng ƀă tíu ối pơtân ăm vâi.

Tơdrêng amê hlối athế rĕng ‘mâi mơnhông mâu kế tơmeăm ki kal, riân ngăn mâu tơmeăm ki tro lŭp ƀă tơbleăng hdrối hâi lơ 3/11, chêh pro tơdroăng tơkêa pơtroh ăm Chin phuh hdrối hâi lơ 8/11. Chin phuh hiăng gum 100 rơtal ing kơxô̆ liăn hbrâ dêi tơnêi têa hơnăm 2025 ăm pơlê kong kơdrâm Huế vâ ‘mâi mơnhông mâu tơmeăm ki tro tơ’nhiê, rak vế tơniăn ăm tơdroăng rêh kâ ối kuăn pơlê.