Tơdroăng tơkêa bro troăng kân ăm phêp rơxế kơtâu têi Châu Đốc - Cần Thơ - Sốc Trăng ai tâi tâng xŏn lối 188 km, tơkâ hluâ 4 kong pơlê, pơlê kong kơdrâm, mơjiâng pro troăng kân 4 hơlâ troăng ăm rơxế prôk lăm, tâi tâng kơxô̆ liăn mơ’no dâng 45 rơpâu rơtal liăn. Châ pơxiâm mơjiâng pro khế 6/2023, tiô tối hdrối kêi đeăng tâi tâng troăng kân hơnăm 2026 ƀă kêi đeăng ăm rơxế prôk lăm tơdâng tơ’mô tâi tâng troăng kân hơnăm 2027.

Pôa Phạm Minh Chính, Ngế pro xiâm hnê ngăn Chin phuh tối, troăng kân ăm phêp rơxế kơtâu têi Châu Đốc - Cần Thơ - Sóc Trăng kêi đeăng rĕng hâi ki lâi mê ai pơxúa ăm tơnêi têa ƀă Tơbăng kroăng Cửu Long hâi mê. Xua mê, mâu kong pơlê tơbăng kroăng Cửu Long, ki má lối cho mâu kong pơlê, pơlê kong kơdrâm An Giang, Hậu Giang, Sóc Trăng, Cần Thơ thế mơdêk hnoăng, mơhnhôk tá khu cheăng kal kí, mâu khu cheăng thăm kơhnâ pêi, kơtăng, tơrŭm, châ tơƀrê hên tâ nếo. Mâu khu ki tơdah pro, ƀeăn ƀĕng tâ nếo pêi pro troăng kân.