Pôa Phạm Minh Chính, Ngế pro xiâm hnê ngăn tơnêi têa nếo pơkuâ Roh hôp Khu hnê mơhno Tơnêi têa ‘na hbrâ mơdât tơnăng ká xi xŏng ôh tá tro luât, ôh tá tơbleăng ƀă ôh tá tiô pơkâ (IUU). Tiô tơbleăng dêi Khu xiâm pơkuâ ‘na pêi chiâk deăng ƀă Kong prâi, tung pơla kố nah mâu kong pơlê kĭng têa kơxĭ hiăng tơnăng ká xi xŏng tơdâng tơ’mô hên troăng pêi, châ tơƀrê hên: kơxô̆ tuk ôh tá tŭm tơdroăng vâ lăm tơnăng ká xi xŏng kơdroh, 80% tuk ká hiăng tơnôm ‘noăng chư chêh căn cươk kŏng dân dêi ngế pơkuâ tuk a kơmăi vi tĭnh.

Ngế pro xiâm hnê ngăn tơnêi têa pơkâ mâu khu xiâm, kơvâ cheăng tơbleăng tơplâ tơdroăng tơnăng ká xi xŏng IUU, tơbleăng tơdroăng châ tơƀrê tơdroăng cheăng rêm măng tĭng. Khu xiâm pơkuâ ‘na pêi chiâk deăng ƀă Kong prâi thế kêi đeăng mâu kơmăi pơkuâ, ôh tá lôi tuk ká lo a têa kơxĭ drêng tá hâi tơdjêp kơmăi séa ngăn troăng prôk VMS.

Khu xiâm pơkuâ lêng thăm séa ngăn, mơdât tuk ká xôi kơpong têa kơxĭ kong têa ê, kêi đeăng mơjiâng kơmăi séa ngăn hdrối hâi lơ 30/10/2025.