VOV4.Xơ Đăng - Kơxê lơ 2/3, A tíu pêi cheăng dêi Chin phuh, pôa Phạm Minh Chính Ngế pro xiâm hnê ngăn tơnêi têa, Kăn hnê ngăn vi ƀan tơnêi têa ‘na pơ’lêh kơxô̆ pơkuâ hneăng hôp tối tơdroăng pêi pro tơbrê ki apoăng dêi mâu tơdroăng cheăng, troăng rơhlâ mơnhông mơdêk tơdroăng tơkêa bro mơnhông xúa kơmăi chêh ‘măn kơxô̆ pơ’leăng mâ kuăn pơlê, kơxô̆ inâi ƀă mơnhên tung điê̆n tưh pơxúa tơdroăng pơ’lêh kơxô̆ dêi tơnêi têa pơla hơnăm 2022-2025.

Ngế pro xiâm hnê ngăn tơnêi têa hôp tơbleăng tơdroăng tơkêa mơnhên inâi ƀă tơbleăng cheăng tung điê̆n tưh pơxúa tơdroăng pơ’lêh kơxô̆ dêi tơnêi têa

Mâu tơdroăng vâ pêi pro troh hơnăm 2030 (pơxá tơdroăng tơkêa 06).Mơgêi hneăng hôp, pôa Phạm Minh Chính tối: Tơdrơdroăng pêi tiô tơkêa bro 06 cho môi pâ tung tơdroăng pêi pro ki tơ-ƀrê ‘na mơjiâng tơmeăm khoăng hiăng châ hneăng hôp roh má 13 dêi Đảng mơnhên; veăng ‘no hnoăng pơ’lêh kơxô̆, mơjiâng Chin phuh kơxô̆, rêh ối kơxô̆, kuăn pơlê kơxô̆.

‘Na tơdroăng cheăng ki kal tung la ngiâ, Ngế pro xiâm hnê ngăn Chin phuh hnê mơhno mâu khu xiâm, kơvâ cheăng, Vi ƀan mâu kong pơlê, pơlê kong kân tơbleăng tơdroăng tơkêa bro, tung mê, tơbleăng tŭm tơdroăng kal, xing xoăng hnoăng cheăng pêi nhên vâ tơkŭm pêi tro tiô mâu pơkâ châ pơcháu. Mơdêk ki tơ-ƀrê tung mơjiâng ƀă pê klêi mâu hlá mơ-éa luât ki ai tơdjâk troh mâu tơdroăng tơkêa bro.

Gương tơplôu ƀă tơbleăng