VOV4.Xơ Đăng - Ngế pro xiâm hnê ngăn Chin phuh nếo kĭ pơkâ tơdroăng mơnhông kơvâ cheăng ƀă kơmăi kơmok uâ loăng krá ton, tơƀrê hneăng hơnăm 2021 -2030. Ki xiâm ‘na tơdroăng pơkâ kố troh hơnăm 2025, tê loăng ƀă kế tơmeăm loăng ngi kong têa ê châ 20 rơtal dollars Mih, ăm Việt Nam ối tung khu mâu kong têa ki xiâm tung lâp plâi tơnêi ‘na pêt, uâ ƀă tê loăng. Troh hơnăm 2030, kơvâ cheăng ƀă kơmăi kơmok uâ loăng chiâng môi tung mâu kơvâ cheăng kâ ki kal; mơjiâng, mơnhông inâi tơmeăm loăng Việt Nam ki châ vâi loi tơngah tung mâu kơchơ mơdró tung tơnêi têa ƀă a kong têa ê.

Tâi tâng loăng, kế tơmeăm ki pro ƀă loăng ki châ tê ngi kong têa ê ƀă xúa tung tơnêi têa  châ xúa sap ing loăng pêt ki tơtro, loăng ai chưng chih rak ngăn kong krá tơniăn. Vâ chiâng pêi pro tơdroăng pơkâ kố, tung 5 hơnăm la ngiâ kô mơjiâng 5 khu ki pêt kong xúa kơmăi kơmok chal nếo, tơ’mot ‘no liăn dêi mâu khu mơdró kâ uâ loăng ƀă khu mơdró kâ mơjiâng pro kế tơmeăm. Mơnhông, po rơdâ mâu kơpong, tíu cheăng ƀă kơmăi kơmok uâ loăng a mâu kong pơlê ki ai hlâu, tơ’lêi mơjiâng.

Katarina Nga tơplôu [ă tơbleăng